Fréttir
10.7.2010
Hjóladagar á Akureyri
5.7.2010
Potato Run 2010
28.6.2010
Landsmót 2010
27.6.2010
Nýtt á sölusíðunni
Gl 1500 á sölusíðunni. Nú er tækifæri fyrir þá sem vilja fá sér væng :)
21.6.2010
Reykjanesdagur og Sumarsólstöður Garði
Tekið af www.ernir.com
N1 - Sólseturshátíð í Garð og Reykjanesdagur.
Laugardaginn 26. júní höldum við í Örnunum okkar árlega N1 dag, mæting er við N1 upp í Ásbrú ( sama stað og síðast ) þar sem boðið verður upp á grill, gos og kaffi, þá mun Nitró vera með kynningu á því sem þeir eru að selja, mæting er kl. 12:00, lagt verður síðan af stað frá N 1 kl. 13:15 og haldið út í Garð þar sem Sólseturhátiðin stendur yfir, þar verða hjólin til sýnis fyrir hátíðargesti, áætlað 30 mínútna stopp þar, úr Garðinum verður svo tekinn smá hjóltúr og endað upp í Icebike í Keflavík þar sem boðið verður upp á samlokur og drykki.
Með hjólakveðju og von um að sjá sem flesta
Stjórn Arna
19.6.2010
Þökkum Postulum fyrir frábæran dag
Postular takk fyrir okkur. Þetta var frábærdagur :)
15.6.2010
Geysisferð Postula 2010
Hin árlega Geysisferð Postulanna verður laugardaginn 19. júní.
Brottför frá Postulaheimilinu Ásheimum við Austurveg, kl. 14:00.
Hjólað verður upp Skeiðin og Laugarás að Geysir.
Allt hjólafólk velkomið
Hjólum saman og höfum gaman
...Kveðja
Stjórn Postula
Mæting við Select Vesturlandsvegi kl.12.30 farið á Selfoss kl.12.45
10.6.2010
Fleiri fréttir af landsmóti
ÍÍhahhh ! fleiri fréttir af Landsmóti
- Nú sendum við í loftið Landsmótslagið 2010 sem samið var í þessu frábæra tilefni, endilega skellið linknum á heimasíður ykkar, spilið sem oftast njótið vel og komið ykkur í stemminguna.
http://www.youtube.com/watch?v=2DlZzM4UZ8Q
- Einnig viljum við kynna happadrættið sem er nýjung á Landsmóti.
Tækifæri fyrir þá sem ekki eiga hjól að koma á Landsmót og hjóla heim á nýskoðuðu Suzuki GS 750, tækifæri fyrir þá sem liggja í gólfinu að gera við hjólið sitt að vinna hjólalyftu, tækifæri fyrir þá sem eru þreyttir á eyrnaflapsinu á 90km/klst að vinna glæsilegan hjálm frá Nítró, tækifæri fyrir þá sem eiga bara dúnúlpu til að hjóla í að vinna glæsilegan leðurjakka frá Borgarhjól, , tækifæri fyrir þá sem gleyma ljósunum á alla helgina að vinna rafgeymi.....ofl. ofl. ......
Miðinn kostar litlar 1.000kr
-
Landsmótsmerkin í ár verða seld sér á litlar 1.000kr. ALLUR ÁGÓÐI af merkjasölunni rennur til Mótorhjólasafnsins svo það er um að gera að slá tvær flugur þar!
- Fyrir þá sem vilja koma farangri sínum á mótið er bent á að mæta í húsnæði Óskabarna að Kaplahrauni 18 Hfj. milli 20:00 og 22:00 þriðjudaginn 29.júní
- Vinna í gæslu = frímiði. fyrir þá sem hafa áhuga á að spara sér pening þá er sami díll og undanfarin ár, vinnið tvær 6 tíma vaktir og fáið miðann endurgreiddan. Þeir sem vilja taka þennan díl er bent á að skrá sig á landsmot2010@visir.is eða hjá Önnu í síma 893-1130
- Að lokum viljum við minna á að það verður auðveldlega hægt að múta dómnefndinni sem velur flottustu tjaldbúðirnar ........ með voðaveigum og öðrum veitingum :o)
Ítrekaðar kveðjur!
Óskabörn Óðins MC
10.6.2010
Skoðunardagur í Reykjavík
Frumherji í samstarfi við Sniglar, Bifhjólasamtök lýðveldisins, bjóða þér að koma í skoðun með bifhjólið þitt laugardaginn 12. júní í skoðunarstöð Frumherja að Hesthálsi 6-8 í Reykjavík. Húsið opnar klukkan 9:00 og við reiknum með að vera búin um kl. 14:00.
Við byrjum daginn á að bjóða upp á rjúkandi heitt kaffi og kakó. Þegar nær dregur hádegi munum við bjóða upp á grillaðar pylsur og gos.
Hittumst öll hress og kát og gerum þennan dag að skemmtilegri samverustund.
Allir geta látið skoða, endastafur númers skiptir ekki máli. Verð fyrir skoðun er kr. 3.300.
Ath: Tilboð þetta gildir ekki með öðrum afsláttum eða tilboðum.
Frumherji - örugg bifreiðaskoðun og Sniglar
9.6.2010
Sturlungadagurinn 2010
6.6.2010
Landsmót, 24 dagar
Já það eru aðeins 24 dagar í Landsmót.
Það er orðið á hreinu að þeir sem stunda hestamennsku ásamt hjólamennskunni þurfa ekki lengur að drepast úr valkvíða vegna fyrstu helgar í júlí, leiðin liggur í Húnaver....;o)
Það sem við viljum minnast nánar á varðandi Landsmótið er eftirfarandi:
- Grill....Raftarnir í Borganesi ætla að sjá um að grillveislan verði hin girnilegasta á föstudagskvöldið
- Súpa...Dagrún Jónsdóttir ætlar að sjóða saman matarmikla súpuna á laugardagskvöld sem ætti að duga til að bræða fyrir magasárið
- Morgunhressing ......Ískaldir og ferskir ávextir ásamt orkudrykkjum verða í boði laugardags- og sunnudagsmorgun.
- Leikir...Hinir víðfrægu M.C S.K.Á.L -arar að norðan ætla að stýra leikjunum þetta árið og hafa kokkað upp snarsnúna leiki í bland við gamla og góða. Sjá hér að neðan,
*Snigl
*Útvarp
*SKÁL í botn
*Hringavitleysa
*Heysáta
*Tunnuýt
*Gengið á planka
*Mótor úttekt
*Hæna
*Hjól-SKÁL-arallý
*Þrípoki
*Boðhlaup
Ath ! Það verða dekkjaverðlaun í boði fyrir fyrstu 3 sætin í BURNOUT keppninni
Ekki meir að sinni, en þangað til næst........Úújehh !
Sævar Einarsson
Óskabörn Óðins MC
30.5.2010
Sjóarinn síkáti í Grindavík
Mæting við N1 Lækjargötu í Hafnarfirði laugardaginn 5.júní kl.13.00 farið þaðan kl.13.20 upp í Bláalón.
25.5.2010
Skoðunardagur Frumherja og Arna í Njarðvík
Skoðunardagur Frumherja og Arna 29.maí 2010
Hinn árlegi skoðunardagur Frumherja og Arna verður haldinn laugardaginn 29.maí frá kl. 10.00 - 16.00 í skoðunarstöðinni í Njarðvík. Um að gera að nýta sér að láta skoða hjólið með allt að 50% afslætti. Boðið verður upp á grillaðar pylsur í hádeginu eða á meðan birgðir endast.
Félagar eru hvattir til að fjölmenna í Njarðvík
Brottför frá N1 í Hafnarfirði kl.11.00
18.5.2010
Mótorhjólamessa annan dag hvítasunnu
Annan dag hvítasunnu, 24. maí kl. 20 verður árlega mótorhjólamessa í Digraneskirkju.
Ýmsir klúbbar hafa boðið hjálparhönd í tengslum við messuna.
Kerúbar verða með umferðarátak og forvarnarstarf á bílastæði kirkjunnar um daginn og video fyrirlestur í kapellunni.
Óskabörn Óðins koma hjólum fyrir á skyggni kirkjunnar.
Salvation Riders sjá um uppröðun á bílaplani.
Skutlurnar leggja til prest í þjónustuna og sjá um svolítið "bleikt" thema í messunni.
Trúboðar annast um bænagjörð.
Mótorhjólamessan er árlegur viðburður þar sem hinir ýmsu mótorhjólaklúbbar ríða fákum sínum í fylkingum til Digraneskirkju.Sjaldan koma svo mörg vélhjóla saman á einum stað svo almenningi gefst tækifæri á því að skoða fákana og spjalla við ökumenn þeirra.
Messan er ALVÖRU messa, með prédikun og altarisgöngu, svo það er ekkert slegið af í helgihaldinu, þó svo umbúnaðurinn sé sveipaður léttleika og prestarnir (sem verða að vera mótorhjólafólk) eru búnir sama klæðnaði og viðbúið er af vélhjólafólki (hefðbundnum öryggisbúnaði vélhjólamanna). Leður og Goretex er því "viðeigandi" klæðnaður.
Mótorhjólamessan er einnig samstarfsverkefni Þjóðkirkju og Hvítasunnu og hafa prestar frá báðum þessum kirkjudeildum annast um helgihald. Það er stórkostlegt að sjá svo fjölbreytilegan söfnuð koma saman til helgihalds og ekki spillir nú fyrir að þetta minnir líka á það að við erum líka til í samfélaginu og umferðinni.
Mótorhjólamessan tekur mið af ýmsum hefðum sem skapast hafa í "mótorhjólaheiminum", bæði hvað varðar tónlist og annað. Hún er því nokkuð "hrá" og gæti farið fyrir brjóstið á þeim sem leitast eftir hefðbundnara helgihaldi.
Mótorhjólamessan hófst í Digraneskirkju árið 2006 þegar 115 manns komu til messu á 55 vélfákum. Mótorhjólamessunni hefur aukist fylgi milli ára. Arið 2007 komu 240 manns á 170 hjólum. Arið 2008 yfirfylltist kirkjan (sem tekur 320 manns) með 380 riddurum götunnar á 230 fákum. Ári síðar (2009) komu 402 mótorhjólamenn í messu þannig að þetta stefnir í stórviðburð á þessu ári enda löngu búið að sprengja allt rými sem annars hæfir fyrir venjulegar messur.
Frétt af www.sniglar.is
6.5.2010
Dagsferð á Hvolsvöll
Fimmtudaginn 13.maí ætlum við að fara í dagsferð og er ferðinni heitið á Hvolsvöll. Stöldrum við á Kaffilangbrók og höldum stuttan fund í góðu yfirlæti.
Brottför frá 88 húsinu í Reykjanesbæ kl.11 og frá Select við Vesturlandsveg kl.12.
Komið til baka kl. 17.00 til Reykjavíkur.
5.5.2010
Raftasýning 2010
27.4.2010
1.maí hópkeyrsla og fl
Þann 1. maí hefur um árabil verið haldin forvarnardagur Snigla með hópkeyrslu um borgina til að minna aðra vegfarendur á að mótorhjólin eru komin út á göturnar. Þetta ár er engin undantekning og er ætlunin nú sem fyrr að minna rækilega á okkur á götum borgarinnar og á sama tíma vekja athygli á málstað okkar en fyrir alþingi liggur frumvarp til nýrra umferðarlaga, þar sem lítið tillit er tekið til athugasemda mótorhjólamanna.
Safnast verður saman á Laugaveginum frá klukkan 10:30, hann fylltur af mótorhjólum upp úr öllu (Laugarvegur verður lokaður umferð á meðan) Keyrslan sjálf leggur af stað 11:30 niður Bankastræti og þaðan um Vonarstræti milli alþingis og ráðhúss Reykjavíkur, þar sem ætlunin er að láta aðeins heyrast í hjólunum og / eða flauta til að vekja athygli á málstað okkar. Leiðin liggur svo um Hringbraut, Bústaðaveg, Kringlumýrarbraut og Reykjanesbraut áður en keyrslan endar í Kauptúni gengt IKEA
Nánari upplýsingar um dagskrá dagsins hér
25.4.2010
10.ára afmælishátíð Postula
Við höldum uppá 10ára afmæli Postula laugardaginn 1maí og hefst hátíðin kl. 13,00 í og við Hvítahúsið á Selfossi. Þar sýna Postular fáka sína og vonandi fáum við slatta af hjólum frá öðrum klúbbum. Fornbílaklúbburinn á suðurlandi og torfærugrindur af svæðinu verða einnig á staðnum til sýnis.
Frá Kl. 14.00 til 15.00 munu Postular keyra með börnin í smá hring á svæðinu, einnig verður hin margfræga og sívinssæla MÖMMU keyrsla Kl,15,00 verður kveikt upp í grillinu og gestum boðið uppá grillaðar pulsur og eitthvað til að skola því niður. Einnig verður afmæliskaka af stærrigerðini (ca 1000manna) á boðstólnum.
Kvöldgleði með öllu
Hvíta húsið opnar kl 19,00
Smá ræða frá formanni
Matur hefst kl 20,00 og það er Grillvagnin sem sér um kræsingarnar ábyggilega margréttað eins og alltaf.
Eftir matinn verður þétt skemtidagskrá Helga Braga lætur vaða á súðum og Postulabandið kemur fram í fyrsta sinn og tekur nokkur góð lög..... og fleira og fleira.
Á miðnætti opnar húsið fyrir almennt ball með hljómsveitinni Karma með Labba í Glóru og Gumma Ben í farabroddi. Þetta verður alveg eins og gott sveitaball. Aldurstakmark verður á ballið.
Verðið á mat með víni skemmtun og á ballið er aðeins kr 4000 á mann og vonandi sjáum við sem flesta Postula og þeir taki með sér gesti.
Þeir sem ætla að koma á kvöldgleðina þurfa að greiða 4000 pr mann inn á reikning 0152-05-260170 kt:110963-2979 og senda staðfestingu á biggihilm@gmail.com Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. frekari upplýsingar hjá bigga í síma 692-3099 692-3099
Skráið ykkur sem fyrst því að það er ekki ótakmarkað framboð af miðum.
24.4.2010
Æfingar
20.4.2010
Öryggi
Nánari uppl. í sendu E-mail-i, Ertu utanaðkomandi en langar að prófa? Ekkert mál hafðu samband við James eða Hannes
18.4.2010
Dagskrá sumardagsins fyrsta 2010
14.4.2010
GWRRA leiðir hópkeyrsluna sumardaginn fyrsta
Sniglar hafa óskað eftir því að við leiðum hópkeyrsluna á sumardaginn fyrsta. Takið því daginn frá 22. apríl. Nánari tímasettnig kemur síðar...
3.4.2010
Mót
Landsmót Bifhjólafólks 2010
Húnaveri 01. - 04.júlí
Mótorhjólamót sem engin alvöru hjólari eða klúbbur missir af!
Landsmót hefur verið haldið ár hvert síðan 1987. Fyrstu fjögur árin í Húnaveri og 10 ára afmælismótið sem var það fjölmennasta frá upphafi, þá mættu rétt tæplega 500 gestir. Landsmót í Húnaveri hafa bara svínvirkað í gegnum árin, því erum við með uppskrift að fullkominni skemmtun! Mótið í ár er það tíunda sem haldið er í Húnaveri.
Landsmót hefur verið haldið í nafni Snigla gegnum árin en í ár eru það við í Óskabörnum Óðins MC sem höldum Landsmót Bifhjólafólks. Óskabörn Óðins MC eru ekki óvanir skemmtanahaldi enda klúbbur með yfir 20 ára sögu og reynslu. Þetta gerum við þó ekki allt einir heldur erum við að semja við aðra klúbba um aðkomu þeirra að einstökum viðburðum mótsins til að gera það sem fjölbreyttast.
Þetta er Landsmót bifhjólafólks og allir hjólarar eru velkomnir. Það er alveg ljóst að við í Óskabörnum Óðins viljum sjá miklu fleiri af þeim þúsundum hjólara sem eru á Íslandi koma á Landsmót. Við viljum sjá alla klúbbana fjölmenna með sitt hafurtask og setja upp flottar tjaldbúðir enda verða veitt verðlaun fyrir flottustu tjaldbúðirnar.
Dagskráin verður fjölbreytt að venju en þar má fyrst nefna tónlistaratriðin þar sem Sniglabandið fer fremst í flokki, ásamt fleirum frábærum hljómsveitum. Kappleikirnir víðfrægu, burnoutkeppni, ofl.ofl. Veglegir vinningar í öllum keppnum. AA fundir verða haldnir fyrir óvirka. Þeir sem vilja selja vörur og eða fatnað á mótinu hafi samband við neðangreinda.
Mat í magann. Ljúffeng kvöldmáltíð föstudagskvöld, Landsmótssúpa laugardagskvöld, orkumikil morgunhressing alla morgna.
Óskabörnin munu senda út ítarlega dagskrá/auglýsingu þegar nær dregur en þið getið treyst því að við munum tjalda öllu til að gera þetta 10. Landsmót í Húnaveri sem eftirminnilegast. Hlökkum til að sjá ykkur!
Frekari upplýsingar veitir Baldvin í síma 894-2848 baldvinj@simnet.is eða Eyþór í síma 773-1505 eythor.inga@gmail.com
25.3.2010
Tryggjum Sanngirni - Tryggingamál mótorhjólafólks - Könnun
Fréttin á sniglar.is
Sanngirni í tryggingum mótorhjóla hefur lengi verið eitt aðal hagsmunamál Snigla sem og annarra mótorhjólamanna. Í gegnum tíðina höfum við mátt búa við það að verðlagning trygginga á mótorhjól sé ekki í neinu samræmi við verðlagningu á tryggingum annarra farartækja og einkennist af undarlegum afsláttartilboðum frá svimandi háu grunnverði (úr öllu samhengi við raunveruleikann) og skorts á raunverulegu mati aðstæðna. Eitt af því sem skort hefur til að ná yfirsýn yfir tryggingamál mótorhjólamanna er tölfræði og staðreyndir sem hægt er að nota til að kortleggja hvað við erum í raun að borga í samanburði við aðrar tryggingar og önnur lönd í kringum okkur. Tölfræði sem hægt er að skoða í samhengi við fjölgun á slysatíðni mótorhjóla síðastliðinna ára. Umferðarnefnd Snigla, í samstarfi við Hjólafólk.is, hafa útbúið könnun á tryggingarmálum mótorhjólafólks sem tekur mið af því að skrifa skýrslu um tryggingarmálin og byggja upp grunn að tölfræði sem nýtist okkur í þessu hagsmunamáli.
Okkur langar einnig að biðja þá sem eiga gíróseðla með afsláttarlausu verði eða tilboð sem sína grunnverð og afslátt og eru tilbúnir til að sína okkur það að setja síg í samband við Indu, 1015@sniglar.is Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. / 868-5066
Það er nauðsynlegt fyrir áreiðanleika könnunarinnar að sem flestir og sem breiðastur hópur taki þátt í könnuninni, og hvetjum við því alla til að taka þátt og láta boð um hana ganga manna á milli. Ætlunin er að hafa hana í gangi út júlí og kynna niðurstöður hennar í lok sumars. Skýrslan verður aðgengileg öllum og grunntölfæði hennar þeim klúbbum sem áhuga hafa á að koma að þessu með okkur.
Þátttaka í könnuninni tekur þig u.þ.b. 10 - 15 mínútur og er hægt að nálgast hana hérna. (Tengill)
Facebook Grúbba fyrir könnunina er:
http://www.facebook.com/group.php?v=wall&gid=109388515746356
Umferðarnefnd Snigla
23.3.2010
Nýtt Suzuki GSX1250F
|
Video: New Suzuki GSX1250F in action |
|
9.3.2010
WingDing Europe 2010 aflýst
16.2.2010
Nýtt á sölusíðunni
14.2.2010
Könnun
ÞR/MPM Janúar 2010 Fyrirspurnir sendist á thr14@hi.is
Hverjir, hvar, hvernig og hvert - hinn íslenski bifhjólavettvangurKynningarefni fyrir:
Meistaraverkefni í verkefnastjórnun
Háskóli Íslands vor 2010
Meistaranemi: Þórdís Rafnsdóttir
Leiðbeinandi: Runólfur S. Steinþórsson prófessor
Á næstunni mun meistaranemi í verkefnastjórnun (MPM) við Háskóla Íslands vinna meistaraverkefni sitt. Viðfangsefnið er hinn íslenski bifhjólavettvangur - kortlagning vettvangs og hönnun skipulagslíkans sem endurspeglar hagsmuni, gildi og framtíðarsýn hins íslenska bifhjólamanns.
Hverjir, hvar og hvernig eru íslenskir bifhjólamenn? Hverjir eru hagsmunir þeirra, gildi og framtíðarsýn? Hvernig sér íslenskt bifhjólafólk vettvanginn þróast til framtíðar?
Þessum spurningum og mörgum fleiri verður svarað í vor þegar verkefninu lýkur. Könnun meðal bifhjólafólks mun fara í gang á næstu vikum. Til að niðustaðan verði marktæk er mikilvægt að allir þeir sem veljast í úrtak svari könnuninni. Niðurstaðan hefur upplýsinga- og þekkingarlegt gildi fyrir alla þátttakendur á hinum íslenska bifhjólavettvangi og verður til afnota fyrir þá sem vilja.
Munt þú leggja þitt af mörkum til að verðmætar upplýsingar og þekking líti dagsins ljós?
Leggðu þitt af mörkum og taktu þátt með rísandi sól!
?4.2.2010
Fundur
Vonumst til að sjá sem flesta
Kv
Hannes H.Gilbert
3.2.2010
Hópakstur og merkjamál
Karl Einar og Hallgrímur Gunnarsson Ökukennarar gerðu lokaverkefni í kennslufræðum við ökukennaranám í HÍ. Verkefnið tekur á hópakstri og merkjamáli hjólafólks. Hægt er að fá myndbandið í fullum gæðum á vægu verði með því að hafa samband við okkur félaga.
27.1.2010
Olíusíur
Sælir GoldWing eigendur.
Stilling er að selja Olíusíur í hjólin á 1205 kr., en eins flestir vita þá er sama
sían frá ´88 til ´10, og ef minnið svíkur ekki er sama í Valkyrjunni og líka VTX-inu
þá er verið að skoða með bremsuklossa og olíur o.f.l. Annars er ýmislegt til þarna fyrir hjól og annað.
27.1.2010
Handbækur fyrir GoldWing
Hér til hægri er komin tengill "Honda viðhald" (service manuals) á síðu sem hefur að geyma viðhalds og viðgerðarbækur, ásamt ýmsu öðru gagnlegu efni. ATH það þarf að skrá sig inná síðuna
14.12.2009
European Wing Ding 2010
Hér er hægt að fylgjast með hvað er að gerast í sambandi við European Wing Ding 2010 í Danmörku. Tvísmellið á merkið þá farið þið á heimasíðu mótsins OK
23.11.2009
Félagar sem ekki fá tölvupóst ?
Einhverjar villur eru á póstlistanum hjá okkur og vil ég benda þeim félögum sem ekki eru að fá póst frá okkur að senda mér netfangið sitt á gilberts@internet.is svo hægt sé að kippa þessu í lag.
Með kveðju,
Hannes H. Gilbert
District Director
19.9.2009
Flott antik til sölu
Til sölu
Honda GL Aspengate 1984 ekið 9700 mílur er en á orginal dekkjum einn eigandi á íslandi flutt inn 1987 hefur ekki verið á götuni í mörg ár aldrei verið til sölu fyrr.
Kv Jómbi 8201104
4.9.2009
Skoðun mótorhjóla
Umferðarstofa vekur athygli á því að breyting varð á reglugerð um skoðun ökutækja með tilkomu nýrrar reglugerðar í janúar sl.
Samkvæmt reglugerð nr. 8/2009 um skoðun ökutækja er nú skylt að færa bifhjól til skoðunar fyrir þann 1. ágúst á skoðunarári, óháð síðasta tölustaf í skráningarmerki. Hafi skoðun ekki verið lokið fyrir þann 1. október leggur sýslumaðurinn á Bolungarvík vanrækslugjald að upphæð kr. 15.000,- á eiganda bifhjóls.
Ýmsar aðrar breytingar áttu sér stað með nýju skoðunarreglugerðinni, s.s. varð skylt að skoða hjólhýsi, tjaldvagna og fellihýsi, skoðanatíðni ýmissa ökutækjaflokka breyttist og margt fleira. Áhugasamir geta kynnt sér samantekt þessara breytinganna hér: http://www.us.is/id/1000329
3.9.2009
Ljósanótt 2009
Ljósanótt 2009
Mæting inn við Olís í Njarðvík laugardaginn 5. september kl. 12:30. Boðið
verður upp á grillaðar pylsur og gos frá kl. 13:00 til 14:00 í boði Olís.
Farið verður í hópkeyrslu frá Olís kl.14.05 og hjólað Garðskagahringinn sem endar á planinu hjá Nettó í Njarðvík. Þaðan verður lagt af stað kl.15.00 stundvíslega í hópkeyrslu niður Hafnargötu og endað á SBK planinu eins og undanfarin ár.
Hvað verða mörg hjól í ár?
Vonumst eftir að sem flestir sjái sér fært að mæta.
ALLIR VELKOMNIR.
23.8.2009
Hópkeyrsla á Sandgerðisdaginn
Er ekki tilvalið að skella sér í smá æfingarakstur fyrir ljósanótt og mæta á Sandgerðisdaga ?
Brottför frá N1 á Lækjargötu kl 12.30 ?
Þegar við komum til Sandgerðis liggur leiðin niður að hátíðarsvæðinu við höfnina.
Nánari upplýsingar um dagskrá er að finna á http://sandgerdisdagar.245.is/
6.8.2009
Forvarnar og akstursæfingarnar
Næstkomandi miðvikudagskvöld 12.ágúst ætlum við að endurtaka forvarnar og akstursæfingarnar sem við vorum með í maí.
Kvöldið byrjar á því að hittast upp í Arnarhreiðri kl. 19.30 þar munum við horfa á myndband þar sem farið er yfir góð ráð um hvernig eigi að aka mótorhjólum.
Karl Óskarsson mun flytja erindi varðandi sýnileika mótorhjóla og varúð við framúrakstur og fl.
Að þessu loknu liggur leiðin út á planið við gömlu flugstöðina sem er á móti Arnarhreiðrinu og þar munum við æfa nokkur atriði sem komu fram í fræðslumyndinni.
Um að gera að mæta og rifja upp góð ráð sem gæti komið sér vel ef illa færi og eins til að forðast slys sem geta leynst viða.
Allir eru velkomnir meðan að húsrúm leyfir.
Sjáumst hress,